Ya Devi Sarva Bhutesu Maa rupena samsthita I

Ya Devi Sarva Bhutesu Shakti rupena samsthita II

Ya Devi Sarva Bhutesu Buddhi rupena samsthita I

Ya Devi Sarva Bhutesu Laxmi rupena samsthita II

Namastasyai Namsatasyai Namastasyai Namo Namah II

అర్జున కృత శ్రీ దుర్గా స్తోత్రం | Arjuna Krutha Sri Durga Stotram | Lyrics in Telugu

అర్జున కృత శ్రీ దుర్గా స్తోత్రం

అర్జున ఉవాచ ।
నమస్తే సిద్ధసేనాని ఆర్యే మందరవాసిని ।
కుమారి కాళి కాపాలి కపిలే కృష్ణపింగళే ॥ 1 ॥

భద్రకాళి నమస్తుభ్యం మహాకాళి నమోఽస్తు తే ।
చండి చండే నమస్తుభ్యం తారిణి వరవర్ణిని ॥ 2 ॥

కాత్యాయని మహాభాగే కరాళి విజయే జయే ।
శిఖిపింఛధ్వజధరే నానాభరణభూషితే ॥ 3 ॥

అట్టశూలప్రహరణే ఖడ్గఖేటకధారిణి ।
గోపేంద్రస్యానుజే జ్యేష్ఠే నందగోపకులోద్భవే ॥ 4 ॥

మహిషాసృక్ప్రియే నిత్యం కౌశికి పీతవాసిని ।
అట్టహాసే కోకముఖే నమస్తేఽస్తు రణప్రియే ॥ 5 ॥

ఉమే శాకంభరి శ్వేతే కృష్ణే కైటభనాశిని ।
హిరణ్యాక్షి విరూపాక్షి సుధూమ్రాక్షి నమోఽస్తు తే ॥ 6 ॥

వేదశ్రుతిమహాపుణ్యే బ్రహ్మణ్యే జాతవేదసి ।
జంబూకటకచైత్యేషు నిత్యం సన్నిహితాలయే ॥ 7 ॥

త్వం బ్రహ్మవిద్యా విద్యానాం మహానిద్రా చ దేహినామ్ ।
స్కందమాతర్భగవతి దుర్గే కాంతారవాసిని ॥ 8 ॥

స్వాహాకారః స్వధా చైవ కలా కాష్ఠా సరస్వతీ ।
సావిత్రీ వేదమాతా చ తథా వేదాంత ఉచ్యతే ॥ 9 ॥

స్తుతాసి త్వం మహాదేవి విశుద్ధేనాంతరాత్మనా ।
జయో భవతు మే నిత్యం త్వత్ప్రసాదాద్రణాజిరే ॥ 10 ॥

కాంతారభయదుర్గేషు భక్తానాం చాలయేషు చ ।
నిత్యం వససి పాతాళే యుద్ధే జయసి దానవాన్ ॥ 11 ॥

త్వం జంభనీ మోహినీ చ మాయా హ్రీః శ్రీస్తథైవ చ ।
సంధ్యా ప్రభావతీ చైవ సావిత్రీ జననీ తథా ॥ 12 ॥

తుష్టిః పుష్టిర్ధృతిర్దీప్తిశ్చంద్రాదిత్యవివర్ధినీ ।
భూతిర్భూతిమతాం సంఖ్యే వీక్ష్యసే సిద్ధచారణైః ॥ 13 ॥

ఇతి శ్రీమన్మహాభారతే భీష్మపర్వణి త్రయోవింశోఽధ్యాయే అర్జున కృత శ్రీ దుర్గా స్తోత్రమ్ ।

arjuna, kritha, krutha, durga, kanakadurga, stotram