Online Puja Services

ఏమని విన్నవించేము - అన్నమయ్య కీర్తన

18.118.186.251
ఏమని విన్నవించేము యిట్టే కనుగొనవయ్య
మోమున చేతులలోన మొక్కులున్నవి


నెలతమనసులోన నిండువలపులున్నవి
సెలవినవ్వులలోన సిగ్గులున్నవి
తలిరుమోవిమీద తరితీపులున్నవి
కలువకన్నులలోన కాంక్షలున్నవి


అంగనమాటల లోన నడియాసలున్నవి
రంగగుచన్నులపై కరగు లున్నవి
అంగపు సేవలలో ప్రియములెల్లా నున్నవి
సింగారంపుగొప్పుమీద సేసలున్నవి


కప్పి యలమేలుమంగకాగిట నీమేనున్నది
చిప్పిలఁ జెక్కుల మీద చిహ్నలున్నవి
యిప్పుడె శ్రీవేంకటేశ యిద్దరునుఁ గూడితిరి
నెప్పున నీకెవేల నీ వుంగరమున్నది
 

Quote of the day

No one saves us but ourselves. No one can and no one may. We ourselves must walk the path.…

__________Gautam Buddha