ఎక్కడి నరకము ఎక్కడిమృత్యువు - అన్నమయ్య కీర్తన

ప ఎక్కడి నరకము ఎక్కడిమృత్యువు మాకు దక్కి నీదివ్య నామామృతము చూరగొంటిమి

చ తమితో శ్రీపతి దాసుల చేరినప్పుడే యమ కింకర భయము లణగి పోయె
జమళి నీ యాయుధ లాంఛనము మోచినప్పుడే అమర కాలదండము లవియెల్ల బొలిసె

చ మును నీ నగరిత్రోవ మొగమైన యప్పుడే ఘన యామ్య మార్గము కట్టువడియె
ఒనర నీ తిరుపతి నొకరాత్రి వున్నపుడే కనలు కాలసూత్రాది ఘాతలెల్ల పూడె

చ యెడరై నీమంత్రజపము యెంచుకొన్న యపుడే కడు చిత్రగుప్తుని లెక్కలుగ చే-
వడిగా వేంకటేశ్వర మీశరణమనగ అడరి వైకుంఠము మా యరచేత నిలిచె