Online Puja Services

ఎదుట నెవ్వరు లేరు యింతా విష్ణుమయమే - అన్నమయ్య కీర్తన

18.220.50.218

ప ఎదుట నెవ్వరు లేరు యింతా విష్ణుమయమే వదలక హరిదాసవర్గమైనవారికి 


చ ముంచిన నారాయణమూర్తులే యీజగమెల్ల అంచితనామములే యీయక్షరాలెల్లా 
పంచుకొన్న శ్రీహరిప్రసాద మీరుచులెల్లా తెంచివేసి మేలు దా దెలిసేటివారికి 


చ చేరి పారేటినదులు శ్రీపాదతీర్థమే భారపుయీ భూమితని పాదరేణువే 
సారపుగర్మములు కేశవుని కైంకర్యములే ధీరులై వివేకించి తెలిసేటివారికి 


చ చిత్తములో భావమెల్లా శ్రీవేంకటేశుడే హత్తినప్రకృతి యెల్లా నాతనిమాయే 
మత్తిలి యీతనికంటే మరి లేదితరములు తిత్తిదేహపుబ్రదుకు తెలిసేటివారికి

Quote of the day

The life ahead can only be glorious if you learn to live in total harmony with the Lord.…

__________Sai Baba