చేరి కొల్వరో ఈతడు శ్రీదేవుడు అన్నమయ్య కీర్తన
చేరి కొల్వరో ఈతడు శ్రీదేవుడు
అన్నమయ్య కీర్తన
ప|| చేరి కొల్వరో ఈతడు శ్రీదేవుడు |
యీ రీతి శ్రీ వేంకటాద్రి నిరవైన దేవుడు ||
చ|| అలమేలుమంగ నురమందిడు కొన్న దేవుడు |
చెలగి శంఖ చక్రాల చేతి దేవుడు|
కల వరద హస్తము గటి హస్తపు దేవుడు |
మలసీ శ్రీవత్స వనమాలికల దేవుడు ||
చ|| ఘన మకర కుణ్డల కర్ణముల దేవుడు |
కనక పీతాంబర శౄంగార దేవుడు |
ననిచి బ్రహ్మాదుల నాభి గన్న దేవుడు |
జనించె బాదాల గంగ సంగతైన దేవుడు ||
చ|| కోటి మన్మథాకార సంకులమైన దేవుడు |
జూటుపు కిరీటపు మించుల దేవుడు |
వాటపు సొమ్ముల తోడి వసుధాపతి దేవుడు |
యీటులేని శ్రీ వేంకటేశుడైన దేవుడు ||
