అరుణాచల

ఒక వ్యక్తి చాలా నిష్ఠగా శాస్త్రములలో చెప్పిన రీతిగా సుబ్రమణ్య స్వామి ని ఆరాధించేవాడు. అతను ఒకసారి మహర్షిని దర్శించి అన్నాడు "మహర్షి నేను చిన్నప్పటి నుండి ఎంతో భక్తి శ్రద్ధలతోసుబ్రమణ్య స్వామిని కొలుస్తూ వస్తున్నాను. కానీ నాకు ఈ నాటి వరకు ఆ స్వామి దర్శనము కాలేదు.

భగవాన్ మౌనముగా ఉండి ఆ వ్యక్తినే తీక్షణముగా చూస్తున్నారు. అక్కడ కవి అయిన మురుగనార్ అనే ఆశ్రమవాసి కూడా ఉన్నారు. ఆయన ఎప్పుడు మౌనముగా ఉండేవారు. ఎవ్వరు ఎన్ని అన్నా ఆయన మారు మాట్లాడేవారు కారు. 

ఈ వ్యక్తి మాటలు విని మురుగనార్ తన చేతులు ఎత్తి భగవాన్ ని చూపిస్తూ అతనితో అన్నారు "నువ్వు సుబ్రమణ్య స్వామి దర్శనము కొరకు ఎదురు చూస్తున్న రొజు రానే వచ్చింది. ఇప్పుడు నీ ఎదురుగ కూర్చుని కనిపిస్తున్న ఈ రూపము ఎమిటి అనుకుంటున్నావు" అన్నారు. 

భగవాన్ ఆ వ్యక్తి జీవితాంతము చేసిన సాధనకు ఫలితముగానా అన్నట్టు భగవాన్, సుబ్రమణ్య స్వామి రూపముగా మారిపొయారు. ఇది చూసి ఆ వ్యక్తి నోట మాట రాక పలుమార్లు తన కళ్లు రుద్దుకొని చూడసాగాడు.

మొత్తము మీద కళ్లు బారగా తెరచి ఆనంద భాష్పములు 
కారుస్తూ "అవును , అవును" అన్నాడు. అదే రొజు సాయంత్రము ఆ వ్యక్తి రమణ ఆశ్రమము ఎదురుగ ఉన్న మురుగనర్ ఇంటికి వెళ్లి చేతులు జోడించి మురుగనార్ పోషించిన ఈ పాత్రకు కృతఙ్ఞతలు తెలియచేసుకున్నాడు.

మురుగనర్ వ్యాసము 
Mountain Path, April 2006