నామజప మహిమ

భగవంతుని నామం మనలను ఎంతటి చెడు నుంచి అయినా కాపాడగలదు. మన చేయి అగ్నికి తెలిసి తగిలినా, తెలియక తగిలినా కాలకుండా ఉండదు. అలానే, భగవంతుని నామం పలుకుటచే సర్వ పాపలను దగ్ధం చేయగలదు. అందుకే మనం ఏ పనిలో ఉన్నా, ఏ సమయములో అయినా భగవంతుని నామమును మననం చేస్తూ ఉండాలి.

అందరికి మంత్ర జపం చేయాలని కోరిక. ఒక మంత్రం ఉంది. ఈ మంత్రాన్ని ఎలా అయినా చేయవచ్చు. ఈ మంత్రం అందరు చేయవచ్చు. చిత్తశుద్ధి ఉన్నవాళ్ళు, లేని వాళ్ళు, ఆచారం పాటించే వాళ్ళు, పాటించని వాళ్ళు.

ఆ మంత్రం ఏంటి అంటే,

హరే రామ హరే రామ రామ రామ హరే హరే!
హరే కృష్ణ హరే కృష్ణ కృష్ణ కృష్ణ హరే హరే !!

ఈ మంత్రం అందరు జపించ తగ్గది. క్రమం తప్పకుండా ఈ మంత్రం జపించడం వల్ల భగవంతుని కృప కలిగి, చిత్తశుద్ధి కలిగి, అన్ని పనులు నెరవేరగలవు. కాని, మనుషులు ఏమి చేస్తున్నారు? తింటున్నారు, పడుకుంటున్నారు, తిరుగుతున్నారు, చనిపోతున్నారు. పశువులు ఈ విధంగా జీవిస్తాయి. పశువులకి మనకి తేడా ఏమైనా ఉందా మరి? 

అందుకే భగవంతుని నామాన్ని ఎప్పుడూ అనుకుంటూ ఉండాలి.