రామాయణం నుండి నేర్చుకునే విషయాలు..!

శ్రీరామ జయరామ జయ జయరామ..!!

1. రామాయణం పనితనం పెంచుతుంది. 
నిద్రపోయే కుంభకర్ణులు కావద్దంటుంది 

2. సేవాభావం నిర్మాణం చేస్తుంది. 
ఆంజనేయునిలా, లక్ష్మణుడిలా సేవ చేయండని పిలుపునిస్తుంది.

3. ఏకతాపథంలో నడిచే ఆలోచనలను కలిగిస్తుంది. రామానుజుల్లా కలిసి ఉండమంటుంది. 
వానరుల్లా సంఘటిత శక్తితో నడవండి అంటుంది.

4. రామాయణం సజ్జనులను కాపాడమంటుంది. దుర్జనులను శిక్షించమంటుంది. ఉదా. రామరావణులు

5. రామాయణం తల్లిదండ్రుల మాటలను పాటించమంటుంది. 
అందుకొరకు మనముందు దశరథుణ్ణీ శ్రీరామున్ని నిలిపింది.

6. రామాయణం కన్నతల్లిని ప్రేమించమంటుంది. 
కన్న నేలను రక్షించుకొమ్మంటుంది. 
ఉదా. జననీ జన్మభూమిశ్చ స్వర్గాదపి గరీయసీ… 
అనే శ్లోకం 

7. రామాయణం గురువుల మాటను పాటించి ప్రజానురంజక పాలన చేయమంటుంది. 
ఉదా.వాల్మీకి, వశిష్ట, విశ్వామితులున్నారు.

8. వ్యక్తిసుఖం కంటే దేశం – దేశ ప్రజలే ముఖ్యమని రామాయణం సందేశమిస్తున్నది. 
ఉదా. సీతా పరిత్యాగాం.
రామాయణం అపూర్వగ్రంథం. 
మనల్ని నీతిమంతులుగా, 
బుద్ధిమంతులుగా, 
శక్తిమంతులుగా, 
శ్రీమంతులుగా, 
ధర్మమూర్తులుగా, 
ప్రతిభావంతులుగా, 
దేశభక్తులుగా, 
దేశ సంరక్షకులుగా, 
సర్వగుణ సంపన్నులుగా తీర్చిదిద్దుతుంది.
రామాయణం చదువుదాం! 
ఆలోచిద్దాం! 
పరమార్థాలు పదిమందికి చెబుదాం! 
అందరూ రామాయణం చదివేందుకు దోహదం చేద్దాం!!

రామాయణం.
ఒక తండ్రికి కొడుకు మీద ఉన్న ప్రేమ ...
ఒక కొడుకుకి తండ్రి మీద ఉన్న గౌరవం ...
ఒక భర్తకి భార్య మీద ఉన్న బాధ్యత ...
ఒక భార్యకి భర్త మీద ఉన్న నమ్మకం ...
ఒక అన్నకి తమ్ముడి మీద ఉన్న విశ్వాసం ...
ఒక తమ్ముడికి అన్న మీద ఉన్న మమకారం ...
ఒక మనిషిలోని బలం, 
మరో మనిషి లోని స్వార్ధం, 
ఇంకో మనిషి లోని కామం...
ఒకరి ఎదురు చూపులు, 
మరొకరి వెతుకులాటలు, 
అండగా నిలిచిన మనుషులు,
అన్ని కలిపి మనిషి మనిషి గా బ్రతకడానికి అవసరమైన ఒక నిఘంటువు ...

శక్తి ఉన్నా ఒద్దికగా ఉండటం రామ తత్వం ...
అవకాశం ఉన్నా భర్త వెంట నడవటం సీత తత్వం ...
కష్టాల్లో తోడు నిలవడం ఆంజనేయ తత్వం ...
ప్రతి అడుగులో మంచిని గ్రహించాలన్నదే రామాయణ పరమార్ధం ...
ఇదే రామాయణం మనకిచ్చే ఆదర్శ సందేశం.!!

మహా భారతం నుండి నేర్చుకోవాల్సిన విషయాలు.
భారతీయుల ప్రాచీన ,పురాణ గ్రంధాలలో మహాభారతం ఒకటి ,
తింటే గారలే తినాలి వింటే భారతమే వినాలి అనే నానుడి కూడా మనకి తెలిసిందే ,
కానీ ప్రస్తుతం ఫాస్ట్ ఫార్వార్డ్ గా ఉన్న మనం కేవలం మహాభారతాన్ని ఓ మత గ్రంధం గానో ,
దేవుడు పుస్తకంగానో చూస్తున్నాం .

కానీ నిజానికి ఇప్పటి రోజులకీ సరిపడేటట్టు సామాజిక 
జీవన శైలిని ఎలా మలచుకోవాలో మనం 
మహాభారతం చెప్తుంది .
అసలు మహాభారతం ఒక పెద్ద సైక్రియాటిస్ట్ అనిపిస్తుంది

ఒక్కసారి మహాభారతం చెప్పిన ఓ ముఖ్యమైన 
15 జీవిత పాఠాలను చూద్దామా ?

1.జీవితంలో గెలవడానికి జాలి, దయ, మంచితనం మాత్రమే ఉంటే చాలదు:

కర్ణుడు..
కర్ణుడు అంటేనే మంచితనానికి, దాన, ధర్మలకి పెట్టింది పేరు, 
కాని సమయాన్ని బట్టి నడుచుకోక పోవడం వలన 
చెడు (కౌరవుల) వైపు నిలబడి ప్రాణాలని పోగొట్టుకున్నాడు, 
కావున జీవితంలో గెలవాలంటే మంచితనంతో పాటు చుట్టూ ఉండే సమాజ పరిస్థితులని, 
సమయాన్ని బట్టి నడుచుకోవాలి.

2.చెడు స్నేహం ఊహలకి కూడా అందని విధంగా మీ జీవితం నాశనం చేయొచ్చు:

శకుని..
శకుని..పరోక్షంగా కౌరవ సామ్రాజ్యం మొత్తాన్ని నాశనం చేసి,
వారితో స్నేహంగా వారి ఆస్థానంలో ఉంటూనే 
వారికి కలలో కూడా ఊహించని పరాజయాన్ని మిగిల్చాడు, 
శకుని లాంటి వారు జీవితంలో చాలామంది మనకు మిత్రుల రూపంలో ఎదురవుతారు, 
అలాంటి వారి చెడు సలహాలని దూరం పెట్టాలి.

3. ఎటువంటి బేధాలు చూడని నిజమైన స్నేహం జీవితంలో ఉన్నత స్థానానికి తీసుకెళ్తుంది:

కృష్ణుడు.. కర్ణుడు.
పాండవులు శ్రీ కృష్ణుడుని ,కౌరవులు కర్ణుడుని పొందటం అది వారికి యుద్ధం సమయంలో ఏ స్థాయిలో ఉపయోగపడిందో తెలిసినదే ,
కర్ణుడి లేని రారాజు బలం ఏ పాటిదో ,
కౌరవ సేనకు కర్ణుడు ఏ స్థాయి ధైర్యమో తెలిసిన సంగతే కదా, కుల,మత, పేద మరియు ధనిక భేదాలని చూడకుండా మంచివారితో స్నేహం చేసేవారు 
ఖచ్చితంగా జీవితంలో గెలుస్తారు.

4.అధికం అనేది అత్యంత ప్రమాదకరం
గాంధారి.
కౌరవుల తల్లి అయిన గాంధారీ కి వంద మంది కుమారులు ఉండటం వల్ల వారిని పెంచటంలో చాలా కష్టపడాల్సి వచ్చింది, ,
రాజ్యాన్ని బిడ్డలకి సమంగా పంచటమూ వారి బాగోగులు చూస్తూ క్రమశిక్షణతో పెంచటమూ కూడా చాలా కష్టం, అలాగే దుర్యోధనుడికి ఉన్న అధికమైన కోపం, 
అధికమైన రాజ్యకాంక్ష కారణంగా కౌరవులు నాశనం అయ్యారు..! 
కాబట్టి అన్ని చోట్ల ముఖ్యంగా చెడు పక్షాన అధికం అనేది అత్యంత ప్రమాదకరం.

5. ఎవరి పనులు వారే చేసుకోవడం:

అరణ్య వాసం, అజ్ఞాతవాసంలోఉన్న పాండవులకి 
వాళ్ళు నేర్చుకున్న ఇంటి, వంట పనులు చాలా ఉపయోగపడ్డాయి, 
అలాగే మనకి కూడా మన అవసరాల కోసం అయిన 
కొన్ని పనులు నేర్చుకోవాలి.

6.మనకి సంభందించిన దాని కోసం ఎంత కష్టమైన పోరాడాలి:

కౌరవులతో పోల్చుకుంటే పాండవుల సైన్యం చాలా తక్కువగా ఉన్న పాండవులు తమ కష్టాన్ని మాత్రమే నమ్ముకొని చిత్తశుద్దితో పోరాటం చేసి విజేతలుగా నిలిచారు.

7. అతి ప్రేమ నష్టం కలిగిస్తుంది:

ద్రుతరాష్ట్రుడు అటు బిడ్డల మీద ప్రేమ ఇటు తను నమ్ముకున్న సిద్దాంతాల మధ్య ఎలా నలిగిపోయాడో ,
కొడుకుల వినాశనం అంతా తెలుస్తున్నా వారి తప్పులని ఆపలేకపోయాడు ,
అదే ద్రుతరాష్ట్రుడు తన బిడ్డల మీద అంత ప్రేమని పెంచుకోక వారిని క్రమశిక్షణలో పెట్టి ఉంటే విషయం 
అంత వరకూ వెళ్ళేది కాదేమో. 
ఎవరి మీద అయిన అతి ప్రేమ, అతి నమ్మకం నాశనానికి, మోసానికి దారితీస్తాయి.

8. విద్య జీవితాంతం నేర్చుకోవటమే మీకు ఉత్తమ బహుమతి:

అర్జునుడు తన జీవితం ఆసాంతం విద్యలు నేర్చుకుంటూనే ఉన్నాడు .
ద్రోణాచార్యుల వారి నుండీ యుద్ద శాస్త్రం ,
దైవ సంబందమైన ఆయుధాల వాడకం ఇంద్రుడు ద్వారా ,
మహదేవుడి నుండి పాశుపతాస్త్రం ,
యుధిష్టరుడు ,కృష్ణుడి నుండి మరెన్నో రాజ నీతులు ఇలా ప్రతి దశలోనూ అభ్యసించటమే అర్జునుడికి 
ఓ ప్రత్యెక స్థానం దక్కింది, 
నిత్యం నేర్చుకోవడం వలన ఖచ్చితంగా విజయం సాధించవచ్చు.

9.కొన్నిసార్లు శత్రువులు కూడా మిత్రుల రూపంలో ఎదురవుతారు:

కౌరవుల పక్షాన ఎంతో మంది ఉన్నా వాస్తవానికి 
వారిలో చాలా మంది పాండవులకి సహాయపడ్డ వాళ్ళే ,
బీష్మ ,విదుర ,ద్రోణ రహస్యంగా పాండవులకి ఎంత సహాయం చేసారో తెలిసినదే ,
ఇక విదురుడు అయితే కౌరవుల ప్రతీ అడుగు పాండవులకి మోసుకొచ్చిన వాడు కదా.

10.స్రీలని ఆపదల నుండి కాపాడటం :

నిజానికి ద్రౌపది ఐదుగురు భర్తలకూ సంపన్నులూ,
అత్యంత బలవంతులు కూడా కానీ సభామందిరాన అవమానం ఆపలేకపోవటంలో విఫలమయ్యారు కదా.

11. అర్ధ జ్ఞానం అత్యంత ప్రమాదకరం:

పద్మవ్యూహం లోనికే ప్రవేశించటమే కానీ బయటపడటం తెలియక తనకున్న అర్ధ జ్ఞానమతో అభిమన్య్యుడు వంటి మహావీరుడే నేల రాలిపోయాడు. 
ఏ పనిని అయిన పూర్తిగా తెలుసుకున్నకే మొదలుపెట్టాలి, అలా తెలుసుకోకపోతే ఆ పనిని మధ్యలోనే వదిలేయాల్సిన పరిస్థితి వస్తుంది.

12. స్త్రీని అవమానికి గురి చేయరాదు:

కేవలం ద్రౌపదికి జరిగిన అవమానం వలన,  
ఆమె కౌరవ సామ్రాజ్యం మీద పెంచుకున్న కోపం 
చివరికి కౌరవులని వాళ్ళ సామ్రాజ్యాన్ని నామరూపాలు లేకుండా చేసింది, 
స్త్రీలు దేవతలతో సమానం వాళ్ళని అవమాన పరచడం అనేది చాలా పెద్ద పాపం .

13. నీకు ఆసక్తి ఉంటే నిన్ను ఎవ్వరూ ఆపలేరు:

చాలా మందికి తెలిసినంత వరకూ అర్జునుడే ప్రపంచం మొత్తంలో అతిపెద్దా విలికాడు ,
కానీ కుటిల రాజకీయాల వలన తన వేలుని కోల్పోయిన ఏకలవ్యుడు, 
అర్జునుడిని మించిన వీరుడు నేరుగా గురుశిక్షణ లేకున్నా ,
అతనికి ఉన్న ఆసక్తే అర్జునుడి కన్నా గొప్ప వీరుణ్ణి చేసింది. 
కావున ఏదైనా సాధించాలంటే ముందుగా మనకు దాని పైన అమితమైన ఆసక్తి ఉండాలి లేకపోతే సాధించలేము.

14.మంచి వ్యూహం విజయానికి తప్పనిసరి:

పాండవులకే కనుక కృష్ణుడు తన అతిచక్కని వ్యూహం లేకపోయి ఉంటే పాండవులు విజయాన్ని సాధించ గలిగే వారు కాదు ఏమో, 
ఏ పని చెయ్యాలన్న ఒక మంచి ప్లాన్(వ్యూహం) ఉండాలి అలా అయితేనే ఆ పనిని సక్రమంగా పూర్తి చేయగలుగుతాం.

మహా భారతం మనకి మన దేశ చరిత్రని చెప్పటంతో పాటు జీవితంలో విజయం సాధించాలంటే 
ఎలా ఉండాలో కూడా చెబుతుంది.