ఎంత పుణ్యమో - అన్నమయ్య కీర్తన

ఎంత పుణ్యమో యిటు మాకు కలిగె
చెంతనే నీకృప సిధ్ధించబోలు

శ్రీపతి మీకథ చెవులను వింటిమి
పాపము లణగెను భయముడిగె
తీపుగ తులసితీర్థము గొంటిమి
శాపము దీరెను సఫలంబాయ

గోవింద మిము కనుగోంటి మిప్పుడే
పావనమైతిమి బ్రతికితిమి
తావుల మీపాదములకు మ్రొక్కితి
వేవేలు కలిగెను వేడుకలాయ

శ్రీవేంకటేశ్వర సేవించితి మిము
ధావతి దీరెను తనిసితిమి
వావిరి ముమ్మారు వలగొని వచ్చితి
నీవారమైతిమి నిలిచితి మిపుడు